Te Aho Matua 5.5
He mea tāpiri atu ki te whakarongo, ko te titiro, ko te raweke, ko te makamaka pātai, ko te whitiwhiti kōrero, ko te āta whakaaro, hei whakauru i te mātau me te aroā.
Kei te rapu tonu ahau i ngā rauemi pāhekoheko mō aku ākonga. Me rāwekeweke rātou i ngā huatau pūtaiao, pāngarau hoki - kia puta mai tērā āhuatanga te āta whakaaro!
Kei tēnei paetukutuku PhET he maha ngā ngohe pāhekoheko - i te tīmatanga ko te nuinga mō te ahupūngao, ināianei, he maha ngā ngohe mō ngā momo pūtaiao whānui me te pāngarau.
Ko te mea pai - he poto noa iho te wā mōku ki te whakamāori i tētahi ngohe.
Ētehi o ngā ngohe PhET 60+ nāku i whakamāori
Kaiako mā. Toro atu ki te paetukutuku PhET whakamahia ētahi o ngā ngohe i tō akomanga - kimihia ngā ’translated sims’ mō te reo Māori!
Tuaritia ki tētahi pae pāhorangi.
Ka koa taku ngākau mō te tuari..